صور التقطها لدبي مول و برج خليفة ~
السبت، 19 فبراير 2011
الصين ~
يدي استقبل في منزله ربعه الصينيين
كان من بينهم ممثلة معروفه عندهم اسمها 田海蓉 / Tian Hai Rong
كان اللقاء حلو .. ( الممثلة من اليمين - و اختها )
تمت تجوف ألبوم عرس أمي و حاولت انها تتعلم مني لغتنا
راك ~
هالاسبوع كان جدا ممتع .. بعد ما سرت راس الخيمة
الأجواء في راك كانت حلوة خصوصا مع المطر
و يا فرحة اليهال ..
و ماشاء الله عليهم صح ان يسهرون الفليل .. لكن اول ناس يقومون ><"
جي و هم راقدين ..!
و جي أول ما يقومون .. !
و جي بعد ما يصحصحون
و حبتين لعيونكم من خالد :)
... عبير تمت تقولي الا اصورهاا
و هاي كانت رحلتنا لراك .. باختصار :)
الأحد، 13 فبراير 2011
Shame of Britain's Muslim schools: Secret filming shows pupils being beaten
ناقصين !!!
و شوهوا سمعت المسلمين .. ><"
Read more !
الخميس، 10 فبراير 2011
إلى راك
بـأجل يومياتي ليوم السبت ان شاء الله ..
رحلة اليوم ( الى راس الخيمه )
و هناك مافي نت ..
فداعة الله و تمنوا لي رحلة سعيدة :)
الأربعاء، 9 فبراير 2011
جدولي :)
جدول الكلاسات ..
الوقت جدا حلو .. بس الاساتذه ><" اثنين منهم مب داخلين مزاجي .. ان شاء الله احصل غيرهم بس نفس الوقت
دبي مول ~
اللي موعني الساعه 7 .. الطلعه الى دبي مول =)
وصلت بيت خالتي دلال عالساعه 8:44 دقيقه
و من بعدها تريقنا و سولفنا و ليييين ما قررنا ان حاااان الاوان ..
الجو كان طرررررررر .. نفااااف
المهم .. وصلنا و دخلنا محل كانديلشز
و كلنا كب كييك .. ما عيبني ><" كان ويا الكريمه جبن .. بس شريتلي مق :)
و عقب رحنا الكافيه اللي عند ارماني .. و طفرتهم الا نشرب شي ><" بس ما طاعو !
و شربت باشن فروت .. جداً لذيذ .. لازم تجربونه
و تحوطنا شوي ... عاد ها كان جدا حلو . اقصد حركة الخلفية
و من عقبها طلعنا صوب النافورة و برج خليفة ..
و بدت الاكشنااات
كنت أنا و هو اناقش قضية مهمة .. ههههههه
قررت ان اودي عيالي لهالمدرسه .. مدرسة جميرا الابتدائية الخاصه .. يخبلوووون
و عالساعه 1 بالضبط .. بدت النافورة ترقص ع اغنية الجسمي
و في الاخير .. رحنا تغدينا في ><" نسيت اسم المطعم .. ( روبن تيوسدي ) خخخ
و بالعافيه علينا ..
الصور صغار لاني خذتهم من هند ><"
كيمرتي ما شليتها وياي ..
شكرا خالتي دلال و هند عالطلعه الحلوه .. استانست وايد
احبكم :)
الثلاثاء، 8 فبراير 2011
لبيت أم ناصر ~
سرنا بيت خالتي ميثه :)
و في السيارة استقبلتنا الحلوة مريومة
و من دخلنا البيت بدات مريومه العبط مالهاا
نحاول نشوف فرق الاسنان ... كششششخه
و بعد الضحك كله .. طاحت ع راسها و نقعة صياح .. يا قلبي و الله :)
و شلينا ناصر شوي
و شفنا صور عرس و شهر عسل تومه - الله يبارك لكم و فيكم
و في الاخير .. و نحن رادين البيت .. احلى ريس بين ساره و تومه ..
و ان شاء الله باجر يكون احلى و احلى عن اليوم .. :)
الاثنين، 7 فبراير 2011
القصة المردج ~
اليوم كان جداً حلو
رحت انا و خالتي الصالون نقص شعر ( شما و ريم و ندى )
و مع صياح ريم و رمستنا اللي بالسر ويا راعية الصالون عشان ما تعرف ريم نحن شو بنسوي في شعرها
ريم : مابا شعري قصير .. مابا مردج ( مدرج ) .. ههههه
و هاي النتيجة :)
و عقب سرنا حديقة فريجنا
الجو براااد و يا اللحافات و الكرك و السوالف و الضحك
و حلات الطلعة ويا خالاتي - الله يحفظهم لي
و أخيرا .. وقت العشاء
و مالك حل غير ماكدونلدز ( و القصة وين الوجبة و بدون مايونيز و بدون جبن و هاي تبا برجر و هذيج ناجتس و ناقص و زايد و الخ !! )
و بالعافية عليكم ..
MAKEUP TIPS
A simple makeup ... lovely !
I used to do the same by eyeliner ,,
makeup for glasses
5 min School Makeup
enjoy =D
الأحد، 6 فبراير 2011
مجموعة إنسان ~
بدأت بلملمت أفكار ذهني لأكتب إفتتاحية لصفحتي هذه !
ولكن لا جدوى من ذلك .. فقد حاولت و حاولت ولم تدر فكرة واحدة لي
أخيراً ، قررت كتابة ما يوحى إلي من الكلمات ... كلمة بكلمة
في الحقيقة كنت متابعة للصفحات ( Blogs ) لمدة كافية
و أعجبت بالعديد و العديد منها .. إلى أن قررت أن يكون لي واحد
لا أدري بالضبط تخصص صفحتي ماذا سيكون ..
لكن أعتقد أنه سيكون منوع , كمذكرات لي
سأكتب يومياتي ، معلومات ، هواياتي ، اهتماماتي ,, أو ربما
ربما لن أكتب بعد نشري هذا
الآن و أنا أستمع لأغنية محمد عبده ( مجموعة إنسان )
سأنهي كتابتي هذه و لن أضيف سوى
أنني إنسانة عادية مثلكم . ولكن
لي مذكرة من قوقل !
الاشتراك في:
الرسائل (Atom)